Boland Nomads

Nuusbrief 2 van 2007

Geagte Ouers / LedeMet die eerste skoolvakansie agter die rug en die winter wat nader kruip, is dit vir my ‘n voorreg om weer met julle te kan gesels oor al die gebeure wat plaasgevind het.Ons het in die April vakansie 6 toernooie aangebied. Daar was ‘n geweldige groot hoeveelheid inskrywings, soveel so dat Johan van die toernooie op 2 bane moes verdeel om almal te kon akkommodeer. Dit is ‘n riem onder die hart om soveel entoesiastiese junior gholfers in Boland te hê. Ek wil aan al die komitee lede en elke ouer wat gehelp het by die toernooie baie dankie sê, sonder julle sal hierdie geleenthede nie kan plaasvind vir ons kinders nie.Aangesien ons Internet Webblad nou aan die werk is gaan ek nie al die toernooi uitslae hier noem nie – al die wenners van die afdelings verskyn alreeds op die webblad. Ons probeer om soveel moontlik en so gou as moontlik ons inligting op die webblad te plaas sodat dit vir almal ten alle tye beskikbaar is. Ek nooi u weer om asseblief ons lede se prestasie aan my te stuur aangesien ons graag met hulle wil spog.Die jaarlikse groot toernooi van die SAGJF het ook gedurende April vakansie plaasgevind:- die O/18 SA Boys en Girls Rosebowl by Krugersdorp. Slegs die top 100 junior gholfers in SA word genooi om daaraan deel te neem. Hierdie toernooi word oor 2 dae gespeel, 36 gate per dag, individuele houespel.Die Boland seuns wat deelgeneem het was: Keenan Davids, Trevor Mahoney, Kobus Eksteen, Bart-Jan de Schepper, Nathan Scott en Marchant de Villiers.Die Boland dogters wat deelgeneem het was: Chloe Gardner en Hermine Greyling.Hierdie uitslae is ook op die webblad maar ek wil graag vir Chloe spesiaal baie geluk sê met haar 7de plek vir die dogters. Well done Chloe!Baie dankie aan al die junior spelers se mooi gedrag en optrede tydens die vakansie toernooie, ons as komitee bars van trots oor ons Boland lede! Onthou om al julle tellings van die vakansie toernooie op die stelsel by die klubs te plaas anders gaan die klubs julle penaliseer.Keenan Davids het 2de geëindig in die Ernie Els Junior toer en vertrek eersdaags saam met die wenner, Siphiwe Sipayi as deel van hul prys na Australië vir toernooie. Ons wens hom alle sterkte toe. Trevor Mahoney is onlangs gekies as kaptein van die Boland O/23 span. Baie geluk Trevor en sterkte aan jou en die span.Geluk ook aan die Hoër Jongenskool, Boland skole span, wat vir die 2de jaar die WP Skole Kampioenskappe gewen het. Twee van ons Boland lede is in hierdie span nl. Jared Wagenaar en Kobus Eksteen. Wel gedaan manne, maak dit ‘n ‘hat trick’ volgende jaar!Dan gaan die volgende toernooie plaasvind, hartlik geluk aan elkeen wat gekies is vir die onderskeie spanne en hou Boland se naam hoog!

1. Fish River Sun: 27 – 29 April 2007